Qirg‘iziston hukumati Sog‘liqni saqlash vazirligiga COVID-19 virusining uchinchi ehtimoliy to‘lqiniga tayyorgarlik ko‘rish bo‘yicha topshiriq berdi. Bu haqda hukumat matbuot xizmatiga tayanib “Interfaks” xabar berdi.
“Qirg‘izistonning Sog‘liqni saqlash vazirligiga koronavirus tarqalishining uchinchi to‘lqini sodir bo‘lishi ehtimoli tufayli to‘liq tayyorgarlikni ta’minlash vazifasi yuklatildi”, — deyiladi matbuot xizmati xabarida.
Matbuot xizmatining xabar berishicha, Qirg‘iziston bosh vazirining o‘rinbosari vazifasini bajaruvchi Elvira Surabaldiyeva COVID-19 bo‘yicha ilmiy maslahat kengashi a’zolari bilan yig‘ilish o‘tkazdi.
“Tibbiyot muassasalariga yetarli miqdorda asosiy va zaxira yotoqlarini joylashtirish, koronavirusning oldini olish va davolash bo‘yicha mutaxassislarni o‘qitish va qayta tayyorlash, dori vositalari va tibbiy buyumlarning yetarli zaxirasini yaratish orqali virusning uchinchi ehtimoliy to‘lqiniga to‘liq tayyor turish kerak”, — dedi Surabaldiyeva.
Uning so‘zlariga ko‘ra, Sog‘liqni saqlash vazirligi kelajakda aholini koronavirus infeksiyasiga qarshi emlash bo‘yicha ishlarni davom ettirishi kerak.
So‘nggi ma’lumotlarga ko‘ra, Qirg‘iziston hududida 84,5 mingdan ortiq virusga chalinish holati aniqlangan bo‘lib, ularning 80 mingdan ziyodi sog‘ayib ketgan, 1412 kishi virus qurboniga aylangan.
Mavzuga doir:
- Qirg‘iziston saqlash sharoitlarini ta’minlay olmasligi sababli Pfizer vaksinasidan voz kechadi
- Qozog‘istonda koronavirusga chalinganlar soni 167 ming kishidan oshdi, Qirg‘izistonda esa 83 ming kishiga yaqinlashdi
- Qirg‘izistonda koronavirusdan o‘limlar uchun sobiq bosh vazirlarni javobgarlikka tortishga qaror qilishdi
Izoh (0)