Futbol bo‘yicha Ispaniya La Ligasining 21-turida “Real” 30-yanvar, shanba kuni “Levante”ni qabul qildi.
Uchrashuvning 9-daqiqasidayoq madridliklar bir o‘yinchi kam bo‘lib qoldi: Eder Militao darvozabon bilan birga-bir vaziyatga chiqib ketayotgan raqib futbolchisini to‘xtatib qolgani uchun maydondan chetlatildi. Biroq oradan ko‘p o‘tmay Marko Asensio jamoasining qarshi hujumini muvaffaqiyatli yakunlab, hisobni ochdi.
32-daqiqada Xose Luis Morales qanotdan uzatilgan to‘pga to‘xtatmasdan zarba berib, hisobni tenglashtirdi. 63-daqiqada mehmonlar Vinisius Juniorning qo‘polligidan keyin penalti ishlab oldi, biroq Roxer Martining zarbasini Tibo Kurtua qaytarishga erishdi. 78-daqiqada Roxer o‘z maqsadiga erishdi va “Real” darvozasiga g‘alaba to‘pini kiritdi.
Shu tariqa “qurbaqalar” ushbu g‘alabadan keyin 26 ochko bilan 9-o‘ringa ko‘tarildi. “Real” (40) esa hozircha ikkinchi o‘rinni saqlab qoldi.
La Liga
21-tur bahslari
30-yanvar, shanba
“Real Madrid” — “Levante” 1:2
Gollar: 1:0 – 13 Asensio, 1:1 – 32 Morales, 1:2 – 78 Roxer Marti.“Real Madrid”: Kurtua, Mendi, Odriosola, Varan, Militao, Kroos, Kazemiro, Azar (Vinisius Junior, 60), Modrich, Asensio (Arribas, 82), Benzema (Mariano Dias, 82).
“Levante”: Fernandes, Miramon, Postigo, Duarte, Klerk, Radoya, Malsa (Rochina, 60), Melero, Leon (Bardi, 60), Roxer Marti (Vezu, 83), Morales (Dani Gomes, 76).
Ogohlantirishlar: Malsa (50), Melero (72), Kazemiro (90).
Chetlatish: Militao (9).
“Eybar” — “Sevilya” 0:2
Gollar: 0:1 – 28, penalti Okampos, 0:2 – 55 Jordan.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)