Futbol bo‘yicha Italiya A Seriyasining 20-turida “Milan” 30-yanvar, shanba kuni “Bolonya” maydoniga safar qildi.
Birinchi bo‘lim o‘rtalariga kelib milanliklar penalti ishlab oldi. 11 metrlik jarima zarbasidan Zlatan Ibragimovich muvaffaqiyatli foydalana olmadi, biroq ikkinchi tempda Ante Rebich to‘pni darvozaga joylab qo‘ydi.
Ikkinchi bo‘lim debyutida mehmonlar yana bir marta penalti tepish imkoniyatiga ega bo‘ldi. Nuqtaga yaqinlashgan Frank Kessie mo‘ljalda adashmadi. Uchrashuv yakunlanishi arafasida maydon egalari bitta gol bilan javob qaytardi.
Ushbu g‘alabadan keyin ochkolarini 46 taga yetkazib olgan “Milan” peshqadamlikni mustahkamladi va bu turda hali o‘z o‘yinini o‘tkazmagan “Inter”ni 5 ochkoga ortda qoldirmoqda.
A Seriya
20-tur bahsi
30-yanvar, shanba
“Bolonya” — “Milan” 1:2
Gollar: 0:1 – 26 Rebich, 0:2 – 55, penalti Kessie, 1:2 – 81 Poli.“Bolonya”: Skorupski, Larangeyra, Sumaoro, Deyks (Palasio, 79), Tomiyasu, Sxauten (Poli, 79), Dominges (Svanberg, 67), Orsolini (Olsen, 67), Soriano, Sansone (Vinyato, 67), Barrou.
“Milan”: Donnarumma, Tomori, Romanyoli, Teo, Kalabriya, Kessie, Tonali (Bennaser, 62), Salemakers, Rebich (Krunich, 62), Ibragimovich, Rafael Leau (Manjukich, 73).
Ogohlantirishlar: Deyks (24), Rebich (51), Soriano (56).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)