Футбол бўйича Испания Ла Лигасининг 21-турида «Реал» 30 январь, шанба куни «Леванте»ни қабул қилди.
Учрашувнинг 9-дақиқасидаёқ мадридликлар бир ўйинчи кам бўлиб қолди: Эдер Милитао дарвозабон билан бирга-бир вазиятга чиқиб кетаётган рақиб футболчисини тўхтатиб қолгани учун майдондан четлатилди. Бироқ орадан кўп ўтмай Марко Асенсио жамоасининг қарши ҳужумини муваффақиятли якунлаб, ҳисобни очди.
32-дақиқада Хосе Луис Моралес қанотдан узатилган тўпга тўхтатмасдан зарба бериб, ҳисобни тенглаштирди. 63-дақиқада меҳмонлар Винисиус Жуниорнинг қўполлигидан кейин пенальти ишлаб олди, бироқ Рохер Мартининг зарбасини Тибо Куртуа қайтаришга эришди. 78-дақиқада Рохер ўз мақсадига эришди ва «Реал» дарвозасига ғалаба тўпини киритди.
Шу тариқа «қурбақалар» ушбу ғалабадан кейин 26 очко билан 9-ўринга кўтарилди. «Реал» (40) эса ҳозирча иккинчи ўринни сақлаб қолди.
Ла Лига
21-тур баҳслари
30 январь, шанба
«Реал Мадрид» — «Леванте» 1:2
Голлар: 1:0 – 13 Асенсио, 1:1 – 32 Моралес, 1:2 – 78 Рохер Марти.«Реал Мадрид»: Куртуа, Менди, Одриосола, Варан, Милитао, Кроос, Каземиро, Азар (Винисиус Жуниор, 60), Модрич, Асенсио (Аррибас, 82), Бензема (Мариано Диас, 82).
«Леванте»: Фернандес, Мирамон, Постиго, Дуарте, Клерк, Радоя, Малса (Рочина, 60), Мелеро, Леон (Барди, 60), Рохер Марти (Везу, 83), Моралес (Дани Гомес, 76).
Огоҳлантиришлар: Малса (50), Мелеро (72), Каземиро (90).
Четлатиш: Милитао (9).
«Эйбар» — «Севилья» 0:2
Голлар: 0:1 – 28, пенальти Окампос, 0:2 – 55 Жордан.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)