“Paxtakor” klubi hujumkor yarim himoyachisi Jaloliddin Masharipov faoliyatini BAAning “Shabob al-Ahli” jamoasida davom ettiradi.
Dubayliklar klubi o‘zbekistonlik futbolchi 30-iyunga qadar ijaraga olinganini ma’lum qildi. Masharipov “Shabob al-Ahli”ning 30-yanvar kuni bo‘lib o‘tgan “Al-Ittihod Kalba”ga qarshi o‘yin qaydnomasidan joy oldi.
Ma’lumot uchun, Masharipov BAA klubiga “An-Nassr”dan ijara asosida yo‘l olgan. Avvalroq “Daryo” manbasi futbolchi Saudiya Arabistoni klubi bilan shartnoma imzolaganini ma’lum qilgandi.
Ma’lum bo‘lishicha, “An-Nassr” legionerlar bilan bog‘liq limit sabab Jaloliddinni “Shabob al-Ahli”ga ijaraga bergan.
Eslatib o‘tamiz, ushbu jamoada yana bir o‘zbekistonlik futbolchi Aziz G‘aniyev to‘p suradi.
Masharipov “Paxtakor” tarbiyalanuvchisi hisoblanib, 2013-yilda bosh jamoada debyut qilgan. 2017-yilni “Lokomotiv”da o‘tkazgan futbolchi shu vaqtga qadar “sherlar” safida harakat qilib kelayotgandi. Masharipov Superliga 2020-yilgi mavsumida 23 ta o‘yin o‘tkazib, 6 gol va 14 ta golli uzatma muallifiga aylandi.
Eslatib o‘tamiz, BAA chempionatida ayni damda Otabek Shukurov (“Sharja”), Azizbek G‘aniyev (“Shabob al-Ahli”) va Doston Hamdamov (“An-Nasr”) kabi o‘zbekistonlik futbolchilar faoliyat olib bormoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)