“Liverpul” himoyachisi Joel Matip Premyer Liga 20-turi doirasida 28-yanvar kuni bo‘lib o‘tgan “Tottenhem”ga qarshi bahsda (3:1) jarohat oldi.
Jarohatini tiklab endigina maydonga qaytgan Matip boldir suyagi bilan tovon suyagini biriktiruvchi bo‘g‘inini shikastlab olgan.
“Liverpul”da Matipdan tashqari Virjil van Deyk va Jo Gomes kabi markaziy himoyachilar ham safdan chiqqan. Shuningdek, yo‘qotishlar sabab markaziy himoyada o‘ynayotgan Fabinyo ham mushak jarohati tufayli jamoasiga yordam bera olmayapti.
Ayni damda mersisaydliklar markaziy himoyasida Nataniel Fillips va markaziy yarim himoyachi Jordan Henderson harakat qilmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)