Futbol bo‘yicha BAA Pro-Ligasining 14-turida “An-Nasr” jamoasi safarda “Al-Jazira”ga qarshi bahs olib bordi.
Uchrashuvning 13-daqiqasida Umar Traore mezbonlarni oldinga olib chiqdi. Ikkinchi bo‘lim debyutida maydon egalari yetakchisi Ali Mabxut penaltini aniq ijro etdi. Mazkur o‘yinda asosiy tarkibda maydonga tushgan Doston Hamdamov 58-daqiqadayoq zaxiraga olindi.
65-daqiqada Traore dublni nishonlab, hisobni yirik ko‘rinishga olib keldi.
Uchrashuv yakunlanishi arafasida har ikki jamoaning bir nafardan vakiliga qizil kartochka ko‘rsatildi.
Shu tariqa ochkolarini 30 taga yetkazib olgan “Al-Jazira” 2-o‘rinni mustahkamladi va bitta zaxira o‘yiniga ega “Sharja”dan ikki ochko ortda qolmoqda. “An-Nasr” esa 24 ochko bilan 4-pog‘onada qoldi.
BAA Pro-Ligasi
14-tur bahsi
29-yanvar, juma
“Al-Jazira” — “An-Nasr” 3:0
Gollar: 1:0 – 13 Umar Traore, 2:0 – 56, penalti Ali Mabxut, 3:0 – 65 Umar Traore.“Al-Jazira”: Ali Hasif, Rabii, Xalifa al-Hammadi, Milosh Kosanovich, Abdulla Idris, Serero (Jamol, 83), Abdulla Ramadan (Ayman, 90+4), Xalfan Muborak, Traore (Ezekiel, 79), Zayd al-Ameri (Bruno, 80), Mabxut.
“An-Nasr”: Ibrohim Eysa, Muhammad Favzi, Glaube, Ayed, Mahmud Hamis, Dia Saba, To Ze, Ahmad, Rayan Mendesh, Doston Hamdamov (Valentini, 58), Habib Fardan (Talyabee, 62).
Ogohlantirishlar: Hamis (54), Mahmud al-Hammadi (87)
Chetlatishlar: Mahmud al-Hammadi (89), Hamis al-Hammadi (90+3).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)