Toshkentning “Lokomotiv” klubi ispaniyalik himoyachi Diyego Bardanka Flores transferini e’lon qildi.
Bardanka toshkentliklar safiga Sloveniyaning “Goritsa” klubidan kelib qo‘shildi. Shuningdek, 27 yoshli futbolchi Ispaniyaning “Valyadolid”, “Rekreativo”, “Levante” kabi jamoalariga to‘p tepgan.
Transfermarkt ma’lumotlariga ko‘ra, Bardanka “temiryo‘lchilar” bilan 2021-yilning dekabriga qadar mo‘ljallangan shartnoma imzolagan. Himoyachi 29-yanvar kuni “Lokomotiv”ning Turkiyadagi yig‘iniga borib qo‘shildi.
2021-yilgi mavsumdan portugaliyalik mutaxassis Mikael Sekeyra qo‘l ostida harakat qiladigan jamoa avvalroq Islom Qobilov, Sanjar Qodirqulov, Javohir Sidiqov, Sadriddin Abdullayev va Islom Rashidxonov kabi futbolchilarni o‘z safiga qo‘shib olgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)