Niderlandiyada 1915-yilda qurilgan 34 metrli suv minorasida hozirda ikki oila istiqomat qilmoqda. Transformation Watertower Nieuw Lekkerland nomini olgan loyiha doirasida tashlandiq minoraning tashqi va ichki ko‘rinishi butkul o‘zgargan, deb yozadi Hi-Tech.Mail.ru.
Ma’lumotlarga ko‘ra, minorani 2012-yilda amakivachchalar 200 ming yevroga sotib olgan. Ular bolaligidan uning mavjudligini bilgan va tez-tez minorada o‘ynab yurishgan, shu sababli sotuvga qo‘yilishi bilan minorani sotib olib, tashlandiq “qal’a”da haqiqiy uy qurish borasidagi orzularini amalga oshirishga kirishgan.
Minorani uyga aylantirish uchun yana 200 ming yevro sarflashga to‘g‘ri kelgani aytilmoqda. Barcha ishlar RV Architectuur kompaniyasi tomonidan amalga oshirilgan.
Izoh (0)