Murodjon Ahmadaliyev (8-0, 6 KO) 2020-yilning 30-yanvar kuni professional boksning ikkinchi yarim yengil vazn (-55,34 kg) toifasidagi chempionlik jangida Daniel Romanni (27-3-1, 10 KO) taslim etgandi.
Roppa-rosa bir yil oldin o‘tkazilgan jangda o‘zbekistonlik bokschi 12 raundlik jangda hakamlar qaroriga ko‘ra g‘alaba qozonib, WBA va IBF kamarlarini qo‘lga kiritgandi.
Murodjon professional boksda eng tez (8 ta jangda) bir yo‘la ikkita chempionlik kamarini qo‘lga kiritishga erishgan va Jahon rekordini takrorlagandi. Undan avvalgi eng yaxshi natija 43 yil avval qayd etilgan bo‘lib, 1978-yilning 15-fevralida Leon Spinks professional boksdagi sakkizinchi jangida Muhammad Alini mag‘lub etgan holda WBC va WBA kamarlarini qo‘lga kiritgandi.
Bundan tashqari, Rio Olimpiadasi sovrindori ikkita chempionlik kamariga ega chiqqan ilk o‘zbekistonlik bokschi bo‘lgandi.
Izoh (0)