Муроджон Аҳмадалиев (8-0, 6 КО) 2020 йилнинг 30 январь куни профессионал бокснинг иккинчи ярим енгил вазн (-55,34 кг) тоифасидаги чемпионлик жангида Даниэль Романни (27-3-1, 10 КО) таслим этганди.
Роппа-роса бир йил олдин ўтказилган жангда ўзбекистонлик боксчи 12 раундлик жангда ҳакамлар қарорига кўра ғалаба қозониб, WBA ва IBF камарларини қўлга киритганди.
Муроджон профессионал боксда энг тез (8 та жангда) бир йўла иккита чемпионлик камарини қўлга киритишга эришган ва Жаҳон рекордини такрорлаганди. Ундан аввалги энг яхши натижа 43 йил аввал қайд этилган бўлиб, 1978 йилнинг 15 февралида Леон Спинкс профессионал боксдаги саккизинчи жангида Муҳаммад Алини мағлуб этган ҳолда WBC ва WBA камарларини қўлга киритганди.
Бундан ташқари, Рио Олимпиадаси совриндори иккита чемпионлик камарига эга чиққан илк ўзбекистонлик боксчи бўлганди.
Изоҳ (0)