Futbol bo‘yicha Angliya Premyer Ligasining 21-turidan o‘rin olgan bir qator uchrashuvlar 30-yanvar, shanba kuni bo‘lib o‘tdi.
“Manchester Siti” musobaqa autsayderi “Sheffild Yunayted”ni qabul qildi. Uchrashuvning 9-daqiqasida Gabriel Jezus tomonidan urilgan gol o‘yin taqdirini hal qildi.
Ushbu g‘alabadan keyin “shaharliklar” 44 ochko bilan yakka peshqadamga aylandi. O‘tgan turda “Manchester Yunayted”ni mag‘lub etgan “Sheffild” esa 8 ochko bilan so‘nggi pog‘onada bormoqda.
“Nyukasl” Kallum Uilsonning dubli evaziga “Everton”ni taslim etgan bo‘lsa, “Vulverhempton” safarda “Kristal Pelas”ga yutqazdi.
APL
21-tur bahslari
30-yanvar, shanba
“Manchester Siti” — “Sheffild Yunayted” 1:0
Gol: 1:0 – 9 Gabriel Jezus.“Manchester Siti”: Ederson, Lyaport, Ruben Diash, Uoker, Zinchenko, Foden, Fernandinyo, Gundo‘g‘an, Bernardu Silva, Ferran Torres (Rodri, 90), Gabriel Jezus.
“Sheffild Yunayted”: Remsdeyl, Bashem (Makberni, 78), Ampadu, Igan, Bogl, Landstryom, Berk (Sharp, 78), Flek, Norvud, Boldok, Bryuster (Makgoldrik, 62).
Ogohlantirishlar: Norvud (24), Boldok (82), Igan (84).
“Everton” — “Nyukasl” 0:2
Gollar: 0:1 – 73 Uilson, 0:2 – 90 Uilson.“Vest Bromvich” — “Fulhem” 2:2
Gollar: 0:1 – 10 Dekordova-Rid, 1:1 – 47 Bartli, 2:1 – 66 Mateus Pereyra, 2:2 – 77 Kavaleyru.“Kristal Pelas” — “Vulverhempton” 1:0
Gol: 1:0 – 60 Eze.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)