Футбол бўйича Италия А Сериясининг 20-турида «Милан» 30 январь, шанба куни «Болонья» майдонига сафар қилди.
Биринчи бўлим ўрталарига келиб миланликлар пенальти ишлаб олди. 11 метрлик жарима зарбасидан Златан Ибрагимович муваффақиятли фойдалана олмади, бироқ иккинчи темпда Анте Ребич тўпни дарвозага жойлаб қўйди.
Иккинчи бўлим дебютида меҳмонлар яна бир марта пенальти тепиш имкониятига эга бўлди. Нуқтага яқинлашган Франк Кессиэ мўлжалда адашмади. Учрашув якунланиши арафасида майдон эгалари битта гол билан жавоб қайтарди.
Ушбу ғалабадан кейин очколарини 46 тага етказиб олган «Милан» пешқадамликни мустаҳкамлади ва бу турда ҳали ўз ўйинини ўтказмаган «Интер»ни 5 очкога ортда қолдирмоқда.
А Серия
20-тур баҳси
30 январь, шанба
«Болонья» — «Милан» 1:2
Голлар: 0:1 – 26 Ребич, 0:2 – 55, пенальти Кессиэ, 1:2 – 81 Поли.«Болонья»: Скорупски, Ларангейра, Сумаоро, Дейкс (Паласио, 79), Томиясу, Схаутен (Поли, 79), Домингес (Сванберг, 67), Орсолини (Ольсен, 67), Сориано, Сансоне (Винято, 67), Барроу.
«Милан»: Доннарумма, Томори, Романьоли, Тео, Калабрия, Кессиэ, Тонали (Беннасер, 62), Салемакерс, Ребич (Крунич, 62), Ибрагимович, Рафаэл Леау (Манжукич, 73).
Огоҳлантиришлар: Дейкс (24), Ребич (51), Сориано (56).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)