Kir yuvish mashinangiz yomon ishlayaptimi? Yuvilgan kiyimlaringizdan nam hidi kelib qolyaptimi? Demak, siz unga yetarlicha e’tibor qaratmayapsiz. Mashinaning ichki qismlarini vaqtida va to‘g‘ri tozalashni Goodhouse’da berilgan qiziqarli ma’lumotlar orqali birgalikda o‘rganamiz!
- 2 stakan sirka;
- chorak stakan osh sodasi;
- chorak stakan suv;
- idish yuvishga mo‘ljallangan gubka.
Ushbu protsedura kir yuvish mashinasini tozalashda juda yaxshi natija beradi. Sirka va osh sodasi kir yuvish mashinasining ichki qismini yuvishga, sovundan qolgan qoldiqlardan xalos bo‘lishga, vaqt o‘tishi bilan paydo bo‘ladigan bakteriyalar va mog‘orlardan qutulishga yordam beradi.
Birinchi qadam: Mashinaning ichini tozalash- Mashinani tozalaydigan aralashmani tayyorlash uchun osh sodasi va suvni kichik idishga solamiz va aralashtiramiz.
- Sirkani stakanga quyib olamiz.
- Osh sodasi va suvdan tayyorlangan aralashmani mashinaning soda solinadigan qismiga quyamiz.
- Mashinaning ichiga sirkani quyamiz.
- Kir yuvish uchun belgilanadigan haroratni eng yuqorisiga qo‘yib, eshigini yopamiz va ishga tushirish tugmasini bosamiz.
- Yuvish vaqti tugagach gubkada mashinaning ichki qismini yaxshilab artib chiqamiz.
Ikkinchi qadam: Kir yuvish mashinasining eshik qismidagi rezinkalarini tozalash
Ushbu tozalash doimiy ravishda takrorlanib turishi kerak. Rezinkaga zarar yetadi deb qo‘rqmang, gubkada ancha vaqtdan beri yig‘ilgan chiqindilarni olib tashlang. Ular orasida turli changlar, soch tolalari, iplar, tangalar, ba’zan bolalar paypoqlari ham qolib ketishi mumkin. Ushbu changlar mashina eshigi har safar yopilganida yig‘ilib boraveradi. Agar kiyimlaringizni yuvib bo‘lganingizdan so‘ng yarim soat davomida eshigini ochiq qoldirsangiz, bunday bo‘lmaydi.
Uchinchi qadam:
Mashinaning soda solinadigan qismida chang va mog‘or yig‘ilib qolayotganiga hayron bo‘lmang. Qo‘lingiz bilan ushbu qismni mashinadan ajratib oling. Keyin soda yoki boshqa tozalash vositasida issiq suv bilan yaxshilab yuving. Mashinadagi forsunkani (kukunlarni puflab beruvchi qism) yuvishni ham unutmang. Tozalash uchun tish cho‘tkasidan foydalansangiz maqsadga muvofiq.
To‘rtinchi qadam: Filtrlarni tozalash
Kir yuvish mashinasining eng muhim qismi – uni ifloslanishdan saqlab qoluvchi va mashinaning ishlash muddatini uzaytirib beruvchi nasos filtri hisoblanadi. Odatda u kichik eshikning o‘ng tomonida joylashgan bo‘ladi. Ushbu qismni har olti oyda bir marta tozalab turish kerak, aks holda mashina suvni to‘kishni sekin amalga oshira boshlaydi. Bu esa yuvish sifatiga ta’sir qiladi.
Shunday qilib eshikni ochasiz va filtr qismini ajratib olasiz. Yig‘ilib qolgan soch tolalari va changlarni olib tashlaysiz.
Filtr qismini tozalayman deb uni yonidagi shlanglar bilan adashtirib yubormang. Ularni ba’zi hollarda ishlatasiz. Agar mashina biror sababga ko‘ra suvni to‘kishni to‘xtatib qo‘ysa, undan foydalanishingiz mumkin. Uni doimiy tozalab yurishning hojati yo‘q. Lekin nimaga kerak ekanini va qayerda joylashganini bilish zarar qilmaydi.
Izoh (0)