To‘g‘ri ovqatlanishni yo‘lga qo‘yish uchun, avvalo, taomlarning haroratini unutib, ularning miqdoriga va nima ekaniga ko‘proq e’tibor qaratamiz. Lekin ovqatning oson hazm bo‘lishi va vaznni nazorat qilish uchun iste’mol qilayotgan ovqatimizning harorati juda muhim rol o‘ynaydi.
O‘tgan asrning 80-yillari o‘rtalarida “sovuq parhez” ayniqsa balerina va modelyerlar orasida urfga chiqdi. Ushbu turdagi parhez qoidalariga ko‘ra, mahsulotlarni sovuq, ba’zan muzlatilgan shaklda iste’mol qilish nazarda tutilgan edi. “Sovuq parhez” ortiqcha vazndan xalos bo‘lish uchun yordam beradi, chunki organizm nafaqat ovqat hazm qilish uchun, balki uni isitish uchun ham energiya sarflaydi, degan xulosa chiqdi. Keyinchalik esa bunday ovqatlanish rejimi oshqozon ichak-tizimining buzilishi natijasida disbakteriozning kelib chiqishiga sabab bo‘lishi aniqlandi.
Birinchi navbatda, juda sovuq oziq-ovqatlardan voz kechish kerak (hatto sovuq qizil ikra, tovuq go‘shti va salatlardan ham). To‘g‘ri, sovuq oziq-ovqatlar oshqozonga tezroq yetib boradi, ammo oshqozonda yetarlicha vaqt turmaydi. Natijada to‘la hazm bo‘la olmaydi.
Bu qanday zararlar olib kelishi mumkin? Avvalo, oshqozonda og‘irlik sezila boshlaydi, eng yomoni, disbakterioz rivojlanishiga sabab bo‘ladi, bora-bora oshqozon ichak-tizimining jiddiy kasalliklarini keltirib chiqaradi.
Izoh (0)