Internetda kaliti mashina ichida qolib ketgan Hyundai Elantra’ni ochish tasvirlangan video tarqaldi. Noqulay vaziyatga tushib qolgan mashina egasiga evakuatorchi yordamga kelgan va masalaga besh daqiqada yechim topgan, deb yozadi Motor.
Kanadaning Ontario shahrida istiqomat qiluvchi fuqaro Hyundai Elantra’ning kalitini o‘t oldirish qismida qoldirib, eshikni yopib qo‘ygan. Kutilmaganda uning uchun avtomobil eshiklari bloklanib qolgan. Muammoni yechish uchun mashina egasi bloklangan avtomobilni ixtisoslashgan ustaxonaga olib borish uchun evakuator chaqirgan. Biroq chaqiruv bo‘yicha yetib kelgan mutaxassis muammoni joyida hal etish taklifini bildirgan.
Bloklangan Hyundai’ni ochish uchun evakuatorchi qo‘l nasosi qotirilgan zich materialli kichik yostiqchadan foydalangan. Mutaxassis qurilmani haydovchi eshigi va o‘rta ustun o‘rtasiga tiqib, yostiqchani ishirgan holda tirqishni kengaytirgan. Shundan so‘ng, erkak egilgan ilmoq yordamida eshik qulfini ochgan.
Butun jarayon uchun evakuator haydovchisi 60 soniyadan kamroq vaqt sarflagan. Eshikni mazkur usulda ochish avtomobilga hech qanday shikast yetkazmagan. Muammoning bu qadar oson hal bo‘lganidan quvongan Hyundai Elantra haydovchisi mutaxassisga minnatdorchilik bildirgan va ishlab ketgan signalizatsiyani o‘chirib qo‘ygan.
Izoh (0)