Интернетда калити машина ичида қолиб кетган Hyundai Elantra’ни очиш тасвирланган видео тарқалди. Ноқулай вазиятга тушиб қолган машина эгасига эвакуаторчи ёрдамга келган ва масалага беш дақиқада ечим топган, деб ёзади Motor.
Канаданинг Онтарио шаҳрида истиқомат қилувчи фуқаро Hyundai Elantra’нинг калитини ўт олдириш қисмида қолдириб, эшикни ёпиб қўйган. Кутилмаганда унинг учун автомобиль эшиклари блокланиб қолган. Муаммони ечиш учун машина эгаси блокланган автомобилни ихтисослашган устахонага олиб бориш учун эвакуатор чақирган. Бироқ чақирув бўйича етиб келган мутахассис муаммони жойида ҳал этиш таклифини билдирган.
Блокланган Hyundai’ни очиш учун эвакуаторчи қўл насоси қотирилган зич материалли кичик ёстиқчадан фойдаланган. Мутахассис қурилмани ҳайдовчи эшиги ва ўрта устун ўртасига тиқиб, ёстиқчани иширган ҳолда тирқишни кенгайтирган. Шундан сўнг, эркак эгилган илмоқ ёрдамида эшик қулфини очган.
Бутун жараён учун эвакуатор ҳайдовчиси 60 сониядан камроқ вақт сарфлаган. Эшикни мазкур усулда очиш автомобилга ҳеч қандай шикаст етказмаган. Муаммонинг бу қадар осон ҳал бўлганидан қувонган Hyundai Elantra ҳайдовчиси мутахассисга миннатдорчилик билдирган ва ишлаб кетган сигнализацияни ўчириб қўйган.
Изоҳ (0)