Har yili fasl o‘zgarishi, ya’ni “qish-bahor”, “yoz-kuz”, o‘tkir respirator virus infeksiyalari va boshqa noxushliklar davrida ularni biz umumlashtirib shamollash, deymiz. Ularga nisbatan bizda yuqori sezuvchanlik kuzatiladi. E’tiborli jihati shundaki, fasl o‘zgarishi davrida shamollash faqat Lor a’zolari uchungina emas, balki boshqa a’zolar uchun ham xavf tug‘diradi. Nima uchundir biz ana shunday fasl o‘zgarishi bilan bog‘liq bo‘lgan va hayot tarziga salbiy ta’sir ko‘rsatuvchi xavf – sistit haqida unutib qo‘yamiz. Siydik qopining yallig‘lanishi – sistit bir nechta noxush belgilar bilan kechadi, ya’ni kuchli og‘riq va achishish bilan kechuvchi hamda doimiy hojatga borish ehtiyoji kabilar. Boz ustiga sistit inson turmush sifatiga salbiy ta’sir ko‘rsatadi va majoziy qilib aytganda, inson ushbu unsurning asiriga aylanadi.
Sistitga olib keluvchi alomatlar: ularning ta’sirini kamaytirish mumkinmi?
• Sovuq qotish. Bizning iqlim sharoiti, ya’ni kun davomida haroratning o‘zgarib turishi organizmni issiq, quruq va qulay sharoitda bo‘lishini ta’minlashni talab etadi.
• Shaxsiy gigiyena qoidalariga rioya qilmaslik. Sistitning kelib chiqishi ko‘p hollarda ichak bakteriyalarining nojo‘ya ta’siriga bog‘liq. Doimiy va tegishli ravishda o‘tkaziladigan shaxsiy gigiyena ushbu mikroorganizmlarning nojo‘ya ta’sirini yetarlicha kamaytiradi.
• Yaqin davr ichida o‘tkazilgan bakterial infeksiyalar hamda ularga bog‘liqli ravishda qilingan uzoq muddatli davolash muolajalari organizmning himoya imkoniyatlarini pasaytiradi va mikroorganizmlarning qayta xurujiga adekvat qarshilik qilishni qiyinlashtiradi. Bundan kelib chiqadiki, har qanday holsizlikda immun tizimini mustahkamlash va doimiy shay holatda bo‘lishini ta’minlash lozim.
• Gipodinamiya (kam harakatlanish), o‘tirgan holda ishlash va “divan” hayot tarzi siydik tanosil tizimining dushmani hisoblanadi. Kuniga yarim soat davom etuvchi oddiy jismoniy mashqlar va yurish yuqorida qayd etilgan xavflarni bartaraf etadi.
• Tor kiyim tos sohasi a’zolarida qon aylanishining buzilishiga olib keladi va ushbu a’zolarda patologik jarayon rivojlanishiga sabab bo‘ladi. Albatta, siz kiygan kiyim chiroyingizga chiroy qo‘shadi, ammo shuni unutmangki, bu kiyim tana harakatini chegaralashi va harakatlanishda noqulaylik chaqirmasligi kerak.
• Olimlarning fikricha, achchiq ovqat, kofein tutuvchi va gazlangan ichimliklarni iste’mol qilish siydik yo‘llari infeksiyalarini chaqirishi mumkin. Mo‘tadil ovqat ratsioni va adekvat suv yuklamasi – sistitning oldini olishga qo‘yilgan samarali qadamdir.
• Uzoq muddat saxra qilmaslik hamda siydik qopining to‘liq bo‘shamasligi siydikning dimlanishi va parchalanishiga olib keladi, bu o‘z navbatida “chaqirilmagan mehmonlar” uchun qulay sharoit yaratadi.
Sistitning oldini olish alifbosi
O‘zingizning hayot tarzingiz, kiyinish uslubingiz, ovqatlanishingiz va sistit belgilari orasidagi aloqani taftish qilib ko‘ring. Aslida sarimsoqli baqlajon va tor jinsidan voz kechish, biror muddat faqat “yotoqxona – hojatxona” yo‘nalishida harakatlanishdan ko‘ra ancha osonroq.
Smorodina, lavlagi, sabzi, selder, petrushka – ovqat ratsionining doimiy qismi bo‘lib, sistitning oldini olishda uchta asosiy ta’sirga ega (siydik haydovchi, yallig‘lanishga qarshi va spazmolitik). Kuniga 6-8 stakan suv iching. Shuncha miqdorda suyuqlikning organizmga tushishi siydik yo‘llarining patogen bakteriyalardan yuvilishi uchun asos yaratadi.
Bilib qo‘ygan yaxshi
• Ichki kiyimni tanlashda tabiiy matolarga (paxtalik) ko‘proq e’tibor qarating. Sintetik matolar yuqori namlikni saqlaydi va bakteriyalar ko‘payishi uchun sharoit yaratadi.
• Rangli va har xil hidli hojatxona qog‘ozidan voz keching, sovun va dezodorantlarni shaxsiy gigiyenada kamroq ishlating. Ular shilliq qavati holatiga yomon ta’sir ko‘rsatadi va mahalliy immunitetni pasaytiradi.
Sistit hayot uchun xavfli hisoblanmaydi, albatta. Lekin uning asoratlari va turmush tarziga uzoq muddatli ta’sirini e’tiborga olgan holda bu kasallikka befarq bo‘lish yaramaydi. Davolanmaslik natijasida buyraklar katta xavf ostida qoladi va yakuniy holat juda noxush bo‘lishi mumkin. Bundan tashqari samarali davolashdan keyin ham 10 foiz hollarda sistit surunkali shaklga o‘tishi mumkin.
Sistitni davolash: kompleks ta’sir — samarali taktika
Sistitning kompleks davosi yallig‘lanishga qarshi va siydik chiqarish a’zolari funksiyasini yaxshilashga qaratilgan. Asosan, shifokorlar antibakterial davolash kursi va qo‘shimcha ravishda xalq tabobati moddalarini tavsiya etadilar (siydik haydovchi damlamalar). Ushbu damlamalarning samarasi (xulosa sifatida davolashning umumiy natijasi) tayyorlashda qo‘llanilgan xomashyo miqdori va sifati bilan uzviy ravishda o‘zgarishi mumkin. Standartlashgan moddalar yuqorida qayd etilgan o‘zgarishlardan mustasno. Ana shunday vositalardan biri nemis farmatsevtika kompaniyasi “Bionorika SE” tomonidan o‘simliklar asosida ishlab chiqilgan fitopreparat Kanefron N hisoblanadi. Kanefron N siydik chiqarish yo‘llariga kompleks ta’sir ko‘rsatadi: yallig‘lanishga qarshi, antioksidant, spazmolitik, antibakterial, siydik haydovchi va og‘riq qoldiruvchi ta’sirga ega. Polifunksionallik hamda kompleks davolash tarkibida va profilaktika uchun uzoq muddat qabul qilish imkoniyati Kanefron N’ning yaqqol xususiyatlaridan hisoblanadi.
Preparat piyelonefrit, glomerulonefrit, interstitsial nefritni kompleks davolashda siydik toshlarining hosil bo‘lishini oldini oluvchi vosita sifatida (shuningdek, siydik toshlari olib tashlaganidan keyin ham) qo‘llanadi. Kanefron N draje va ichga qabul qilish uchun eritma ko‘rinishida ishlab chiqariladi. Bolalarda 1 yoshdan boshlab qo‘llash mumkin. Dorixonalardan berish tartibi – retseptsiz.
Mahsulot sertifikatlangan.
Tarkibi: Tillabosh o‘ti, dorivor lyubistok ildizi, rozmarin barglari.
Ishlab chiqaruvchi Bionorika SE, Germaniya.
DV/X 06495/07/19 (Kanefron, ichish uchun eritma) qayd etish guvohnomasi.
DV/X 06496/07/19 (Kanefron, tabletkalar) qayd etish guvohnomasi.
Qo‘llash mumkin bo‘lmagan holatlar mavjud. Qo‘llashdan avval yo‘riqnoma bilan tanishib chiqish yoki mutaxassis bilan maslahatlashish zarur.
Reklama huquqi asosida.
Izoh (0)