Ҳар йили фасл ўзгариши, яъни «қиш-баҳор», «ёз-куз», ўткир респиратор вирус инфекциялари ва бошқа нохушликлар даврида уларни биз умумлаштириб шамоллаш, деймиз. Уларга нисбатан бизда юқори сезувчанлик кузатилади. Эътиборли жиҳати шундаки, фасл ўзгариши даврида шамоллаш фақат Лор аъзолари учунгина эмас, балки бошқа аъзолар учун ҳам хавф туғдиради. Нима учундир биз ана шундай фасл ўзгариши билан боғлиқ бўлган ва ҳаёт тарзига салбий таъсир кўрсатувчи хавф – цистит ҳақида унутиб қўямиз. Сийдик қопининг яллиғланиши – цистит бир нечта нохуш белгилар билан кечади, яъни кучли оғриқ ва ачишиш билан кечувчи ҳамда доимий ҳожатга бориш эҳтиёжи кабилар. Боз устига цистит инсон турмуш сифатига салбий таъсир кўрсатади ва мажозий қилиб айтганда, инсон ушбу унсурнинг асирига айланади.
Циститга олиб келувчи аломатлар: уларнинг таъсирини камайтириш мумкинми?
• Совуқ қотиш. Бизнинг иқлим шароити, яъни кун давомида ҳароратнинг ўзгариб туриши организмни иссиқ, қуруқ ва қулай шароитда бўлишини таъминлашни талаб этади.
• Шахсий гигиена қоидаларига риоя қилмаслик. Циститнинг келиб чиқиши кўп ҳолларда ичак бактерияларининг ножўя таъсирига боғлиқ. Доимий ва тегишли равишда ўтказиладиган шахсий гигиена ушбу микроорганизмларнинг ножўя таъсирини етарлича камайтиради.
• Яқин давр ичида ўтказилган бактериал инфекциялар ҳамда уларга боғлиқли равишда қилинган узоқ муддатли даволаш муолажалари организмнинг ҳимоя имкониятларини пасайтиради ва микроорганизмларнинг қайта хуружига адекват қаршилик қилишни қийинлаштиради. Бундан келиб чиқадики, ҳар қандай ҳолсизликда иммун тизимини мустаҳкамлаш ва доимий шай ҳолатда бўлишини таъминлаш лозим.
• Гиподинамия (кам ҳаракатланиш), ўтирган ҳолда ишлаш ва «диван» ҳаёт тарзи сийдик таносил тизимининг душмани ҳисобланади. Кунига ярим соат давом этувчи оддий жисмоний машқлар ва юриш юқорида қайд этилган хавфларни бартараф этади.
• Тор кийим тос соҳаси аъзоларида қон айланишининг бузилишига олиб келади ва ушбу аъзоларда патологик жараён ривожланишига сабаб бўлади. Албатта, сиз кийган кийим чиройингизга чирой қўшади, аммо шуни унутмангки, бу кийим тана ҳаракатини чегаралаши ва ҳаракатланишда ноқулайлик чақирмаслиги керак.
• Олимларнинг фикрича, аччиқ овқат, кофеин тутувчи ва газланган ичимликларни истеъмол қилиш сийдик йўллари инфекцияларини чақириши мумкин. Мўътадил овқат рациони ва адекват сув юкламаси – циститнинг олдини олишга қўйилган самарали қадамдир.
• Узоқ муддат сахра қилмаслик ҳамда сийдик қопининг тўлиқ бўшамаслиги сийдикнинг димланиши ва парчаланишига олиб келади, бу ўз навбатида «чақирилмаган меҳмонлар» учун қулай шароит яратади.
Циститнинг олдини олиш алифбоси
Ўзингизнинг ҳаёт тарзингиз, кийиниш услубингиз, овқатланишингиз ва цистит белгилари орасидаги алоқани тафтиш қилиб кўринг. Аслида саримсоқли бақлажон ва тор жинсидан воз кечиш, бирор муддат фақат «ётоқхона – ҳожатхона» йўналишида ҳаракатланишдан кўра анча осонроқ.
Смородина, лавлаги, сабзи, селдер, петрушка – овқат рационининг доимий қисми бўлиб, циститнинг олдини олишда учта асосий таъсирга эга (сийдик ҳайдовчи, яллиғланишга қарши ва спазмолитик). Кунига 6-8 стакан сув ичинг. Шунча миқдорда суюқликнинг организмга тушиши сийдик йўлларининг патоген бактериялардан ювилиши учун асос яратади.
Билиб қўйган яхши
• Ички кийимни танлашда табиий матоларга (пахталик) кўпроқ эътибор қаратинг. Синтетик матолар юқори намликни сақлайди ва бактериялар кўпайиши учун шароит яратади.
• Рангли ва ҳар хил ҳидли ҳожатхона қоғозидан воз кечинг, совун ва дезодорантларни шахсий гигиенада камроқ ишлатинг. Улар шиллиқ қавати ҳолатига ёмон таъсир кўрсатади ва маҳаллий иммунитетни пасайтиради.
Цистит ҳаёт учун хавфли ҳисобланмайди, албатта. Лекин унинг асоратлари ва турмуш тарзига узоқ муддатли таъсирини эътиборга олган ҳолда бу касалликка бефарқ бўлиш ярамайди. Даволанмаслик натижасида буйраклар катта хавф остида қолади ва якуний ҳолат жуда нохуш бўлиши мумкин. Бундан ташқари самарали даволашдан кейин ҳам 10 фоиз ҳолларда цистит сурункали шаклга ўтиши мумкин.
Циститни даволаш: комплекс таъсир — самарали тактика
Циститнинг комплекс давоси яллиғланишга қарши ва сийдик чиқариш аъзолари функциясини яхшилашга қаратилган. Асосан, шифокорлар антибактериал даволаш курси ва қўшимча равишда халқ табобати моддаларини тавсия этадилар (сийдик ҳайдовчи дамламалар). Ушбу дамламаларнинг самараси (хулоса сифатида даволашнинг умумий натижаси) тайёрлашда қўлланилган хом ашё миқдори ва сифати билан узвий равишда ўзгариши мумкин. Стандартлашган моддалар юқорида қайд этилган ўзгаришлардан мустасно. Ана шундай воситалардан бири немис фармацевтика компанияси «Бионорика СЕ» томонидан ўсимликлар асосида ишлаб чиқилган фитопрепарат Канефрон Н ҳисобланади. Канефрон Н сийдик чиқариш йўлларига комплекс таъсир кўрсатади: яллиғланишга қарши, антиоксидант, спазмолитик, антибактериал, сийдик ҳайдовчи ва оғриқ қолдирувчи таъсирга эга. Полифункционаллик ҳамда комплекс даволаш таркибида ва профилактика учун узоқ муддат қабул қилиш имконияти Канефрон Н’нинг яққол хусусиятларидан ҳисобланади.
Препарат пиелонефрит, гломерулонефрит, интерстициал нефритни комплекс даволашда сийдик тошларининг ҳосил бўлишини олдини олувчи восита сифатида (шунингдек, сийдик тошлари олиб ташлаганидан кейин ҳам) қўлланади. Канефрон Н драже ва ичга қабул қилиш учун эритма кўринишида ишлаб чиқарилади. Болаларда 1 ёшдан бошлаб қўллаш мумкин. Дорихоналардан бериш тартиби – рецептсиз.
Маҳсулот сертификатланган.
Таркиби: Тиллабош ўти, доривор любисток илдизи, розмарин барглари.
Ишлаб чиқарувчи Бионорика СЕ, Германия.
ДВ/Х 06495/07/19 (Канефрон, ичиш учун эритма) қайд этиш гувоҳномаси.
ДВ/Х 06496/07/19 (Канефрон, таблеткалар) қайд этиш гувоҳномаси.
Қўллаш мумкин бўлмаган ҳолатлар мавжуд. Қўллашдан аввал йўриқнома билан танишиб чиқиш ёки мутахассис билан маслаҳатлашиш зарур.
Реклама ҳуқуқи асосида.
Изоҳ (0)