Бразилиянинг ЖиЖока-ди-Жерикуакуара шаҳрида яшовчи Талула 2 ёш қизига ғайриоддий кўринишидан уялмасликни ўргатишга қарор қилди. Бу ҳақда Daily Mail хабар бермоқда.
43 ёшли Талула Юзеф Азиз Виэйранинг қизи туғилганида икки хил рангли сочда эди. Чақалоқ бошининг катта қисмини қоплаган қора сочлари орасида сезиларли даражада оқиш толалар ҳам бор.
Бунинг сабаби пиэбалдизм ёки қисман албинизм бўлиб, меланин пигментини ишлаб чиқарадиган тери ҳужайраларининг етишмаслиги билан боғлиқ ноёб ирсий хусусиятдир. Пиэбалдизм эса қизнинг онаси, бувиси, холаси ва амакиваччаларида ҳам мавжуд.
Чақалоқнинг онаси ҳам ёшлигидан бир тутам оқ соч толасидан уялган, аммо 20 ёшида уларни беркитишни тўхтатган. «Мен уларни қора сочларим орасига яшириб, кимдир буни сезиб қолишидан қўрқар эдим», − дейди Талула.
Энди эса у фарзанди ўз сочи билан фахрланишини хоҳлайди. «Одамлар ўз шахсиятини беркитиши жуда ҳам ачинарли, − дейди у. − Гўзал бўлиш учун ҳамма бир хил бўлиши шарт эмас».
Изоҳ (0)