Xitoyning Chendu shahrida HTS Maglev texnologiyasidan foydalangan holda magnit yostiqchalarida harakatlanuvchi poyezdning tantanali taqdimoti bo‘lib o‘tdi, deb xabar beradi Hi-Tech.Mail.ru. Poyezd bilan birga uzunligi 165 metr bo‘lgan liniya ham ishga tushirilgan — yangi texnologiyani sinovdan o‘tkazish uchun kerak.
E’lon qilingan suratlarda 21 metrli lokomotivning ichki va tashqi ko‘rinishi tasvirlangan. Taqdimot davomida u liniya bo‘ylab sekin harakatlangan. Janubi-g‘arbiy Szyaotun universiteti muhandislarining ta’kidlashicha, poyezd soatiga 620 kilometr tezlikda harakatlana oladi.
Yangi transport vositasi yaratuvchilari orasidan, shuningdek, China Railway Group Limited va CRRC Corporation Limited o‘rin olgan. Loyiha uchun 9,3 million dollar sarflangan. Agarda barcha sinovlar muvaffaqiyatli o‘tsa, kelajakda bu kabi poyezdlardan soatiga 1000 kilometrdan ortiq tezlikda harakatlanish mumkin bo‘lgan tunnellar tarmog‘ida foydalaniladi. Gap Ilon Maskning vakuum poyezdlar loyihasi — Hyperllop tizimining xitoycha muqobili haqida ketmoqda.
Magnit “podveska”ga ega poyezdlar vagonlar va relslar ostidagi kuchli magnitlar yordamida harakatlanadi. Magnit yostiqchalar deb ataluvchi poyezd va relslardagi magnitlarning o‘zaro ta’siri yordamida lokomotiv “sirpanadi”. Qayd etilishicha, HTS Maglev texnologiyasi poyezdni elektr energiyasiz harakatlantira oladi.
Mavzuga doir: Janubiy Koreyada 2024-yilga borib yangi super tezlikka ega transport vositasi paydo bo‘ladi
Izoh (0)