Samarqand viloyat Ekologiya va atrof-muhitni muhofaza qilish boshqarmasi xodimlari tomonidan 2020-yil davomida olib borilgan ekologik nazorat tadbirlari davomida fuqarolar tomonidan turli yo‘nalishlar bo‘yicha 5 375 ta qonunbuzilish holati aniqlangan. Bu haqda “Daryo”ga viloyat Ekologiya va atrof-muhitni muhofaza qilish boshqarmasi axborot xizmati ma’lum qildi.
Ta’kidlanishicha, 3255 ta holatda fuqarolar chiqindilarni tashlash bilan bog‘liq noqonuniy harakat qilgan bo‘lsa, atmosfera havosini muhofaza qilish bo‘yicha 1225 ta, suv obyektlarini muhofaza qilish bo‘yicha 141 ta, yer va yerosti boyliklarini muhofaza qilish bo‘yicha 291 ta, o‘simlik dunyosini muhofaza qilish bo‘yicha 361 ta, ov va ovchilik qoidalariga rioya qilish bo‘yicha 361 ta qonunbuzarliklarga yo‘l qo‘ygani aniqlangan.
Aniqlangan holatlar yuzasidan huquqbuzarlarga Ma’muriy javobgarlik to‘g‘risidagi kodeksning tegishli moddalariga asosan ma’muriy bayonnomalar rasmiylashtirilib, 2 milliard 113 million 670 ming so‘m jarima belgilangan. 243 holatda esa 608 million 231 ming 400 so‘m yetkazilgan zarar hisoblangan. Shulardan 1 milliard 401 million 108 ming so‘m miqdoridagi jarima va 370 million 592 ming so‘m zarar undirilgan.
Izoh (0)