Самарқанд вилоят Экология ва атроф-муҳитни муҳофаза қилиш бошқармаси ходимлари томонидан 2020 йил давомида олиб борилган экологик назорат тадбирлари давомида фуқаролар томонидан турли йўналишлар бўйича 5 375 та қонунбузилиш ҳолати аниқланган. Бу ҳақда «Дарё»га вилоят Экология ва атроф-муҳитни муҳофаза қилиш бошқармаси ахборот хизмати маълум қилди.
Таъкидланишича, 3255 та ҳолатда фуқаролар чиқиндиларни ташлаш билан боғлиқ ноқонуний ҳаракат қилган бўлса, атмосфера ҳавосини муҳофаза қилиш бўйича 1225 та, сув объектларини муҳофаза қилиш бўйича 141 та, ер ва ерости бойликларини муҳофаза қилиш бўйича 291 та, ўсимлик дунёсини муҳофаза қилиш бўйича 361 та, ов ва овчилик қоидаларига риоя қилиш бўйича 361 та қонунбузарликларга йўл қўйгани аниқланган.
Аниқланган ҳолатлар юзасидан ҳуқуқбузарларга Маъмурий жавобгарлик тўғрисидаги кодекснинг тегишли моддаларига асосан маъмурий баённомалар расмийлаштирилиб, 2 миллиард 113 миллион 670 минг сўм жарима белгиланган. 243 ҳолатда эса 608 миллион 231 минг 400 сўм етказилган зарар ҳисобланган. Шулардан 1 миллиард 401 миллион 108 минг сўм миқдоридаги жарима ва 370 миллион 592 минг сўм зарар ундирилган.
Изоҳ (0)