«Манчестер Юнайтед» ва «Эвертон» клублари собиқ ҳужумчиси Уэйн Руни футболчилик фаолиятини якунлаганини маълум қилди. Эндиликда Руни «Дерби Каунти»га бош мураббийлик қилади.
Transfermarkt портали англиялик футболчи билан биргаликда ўйинларда энг кўп қатнашган футболчилардан иборат рамзий терма жамоани тузди.
Мазкур рамзий терма жамоанинг барча ўйинчилари «Манчестер Юнайтед»нинг собиқ вакиллари ҳисобланиб, улардан фақат икки нафари (Криштиану Роналду ва Антонио Валенсия) ҳозирда футболчилик фаолиятини давом эттирмоқда.
Руни билан биргаликда энг кўп ўйинда қатнашган футболчи Майкл Кэррик бўлди. Ҳозирда «Манчестер Юнайтед»да бош мураббий Оле-Гуннар Сульшерга ёрдам бераётган мутахассис Руни билан биргаликда жами 366 ўйинда қатнашган.
Рамзий терма жамоа билан танишинг:
Дарвозабон: Эдвин ван дер Сар (220 ўйин);
Ҳимоячилар: Неманя Видич (230), Рио Фердинанд (349), Патрис Эвра (301), Антонио Валенсия (214);
Ярим ҳимоячилар: Майкл Кэррик (366), Даррен Флетчер (228), Пол Скоулз (242);
Ҳужумчилар: Райан Гиггз (278), Криштиану Роналду (205), Уэйн Руни.
Уэйн Рунининг «Манчестер Юнайтед» сафида Премьер Лигадаги топ-10 голи (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)