Futbol bo‘yicha Ispaniya chempionatining 18-turida “Barselona” 9-yanvar, shanba kuni “Granada” maydoniga safar qildi.
Uchrashuvning 12-daqiqasida Antuan Grizmann katalonlarni oldinga olib chiqqan gol muallifiga aylandi. 35-daqiqada Lionel Messi Grizmanning uzatmasini golga aylantirdi. Birinchi bo‘lim yakunlanishi arafasida Messi jarima zarbasini qoyilmaqom ijro etgan holda hisobni yirik ko‘rinishga olib keldi.
63-daqiqada Usmon Dembelening qanotdan uzatgan to‘pni Grizmann o‘tkir burchakdan darvozaga joylab qo‘ydi. 78-daqiqada maydon egalari bir o‘yinchi kam bo‘lib qoldi: ikkinchi bo‘limda zaxiradan maydonga tushgan Xusus Valyexo to‘g‘ridan to‘g‘ri qizil kartochka olib, maydonni tark etdi. Qolgan vaqtda hisob o‘zgarmadi.
Ushbu g‘alabadan keyin “Barselona” ochkolarini 34 taga yetkazib oldi va 3-o‘ringa ko‘tarildi. “Granada” (24) 7-pog‘onada bormoqda.
Yana bir uchrashuv “Sevilya” va “Real Sosyedad” jamoalari o‘rtasida kechdi. 5 ta gol urilgan o‘yinda Yussuf an-Neserining het-triki mezbonlarga g‘alaba keltirdi.
La Liga
18-tur bahslari
9-yanvar, shanba
“Granada” — “Barselona” 0:4
Gollar: 0:1 – 12 Grizmann, 0:2 – 35 Messi, 0:3 – 42 Messi, 0:4 – 63 Grizmann.“Granada”: Ruy Silva, Duarte, Xerman Sanches, Fulke, Neva (Valyexo, 46), Montoro (Milya, 46), Errera (Soro, 67), Eteki, Puertas, Machis (Kenedi, 65), Soldado (Suares, 46).
“Barselona”: ter Shtegen, Alba, Mingesa, Dest (Firpo, 81), Umtiti, Buskets, de Yong (Pyanich, 65), Pedri (Trinkau, 73), Dembele (Puch, 73), Grizmann, Messi (Breytueyt, 65).
Ogohlantirishlar: Soldado (45), Mingesa (49), Suares (73), Buskets (82), Alba (87).
Chetlatish: Valyexo (78).
“Sevilya” — “Real Sosyedad” 3:2
Gollar: 1:0 – 4 an-Nesiri, 1:1 – 5, avtogol Diyego Karlos, 2:1 – 7 an-Nesiri, 2:2 – 14 Isak, 3:2 – 46 an-Nesiri.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)