Футбол бўйича Испания чемпионатининг 18-турида «Барселона» 9 январь, шанба куни «Гранада» майдонига сафар қилди.
Учрашувнинг 12-дақиқасида Антуан Гризманн каталонларни олдинга олиб чиққан гол муаллифига айланди. 35-дақиқада Лионель Месси Гризманнинг узатмасини голга айлантирди. Биринчи бўлим якунланиши арафасида Месси жарима зарбасини қойилмақом ижро этган ҳолда ҳисобни йирик кўринишга олиб келди.
63-дақиқада Усмон Дембеленинг қанотдан узатган тўпни Гризманн ўткир бурчакдан дарвозага жойлаб қўйди. 78-дақиқада майдон эгалари бир ўйинчи кам бўлиб қолди: иккинчи бўлимда захирадан майдонга тушган Хусус Вальехо тўғридан-тўғри қизил карточка олиб, майдонни тарк этди. Қолган вақтда ҳисоб ўзгармади.
Ушбу ғалабадан кейин «Барселона» очколарини 34 тага етказиб олди ва 3-ўринга кўтарилди. «Гранада» (24) 7-поғонада бормоқда.
Яна бир учрашув «Севилья» ва «Реал Сосьедад» жамоалари ўртасида кечди. 5 та гол урилган ўйинда Юссуф ан-Несерининг ҳет-трики мезбонларга ғалаба келтирди.
Ла Лига
18-тур баҳслари
9 январь, шанба
«Гранада» — «Барселона» 0:4
Голлар: 0:1 – 12 Гризманн, 0:2 – 35 Месси, 0:3 – 42 Месси, 0:4 – 63 Гризманн.«Гранада»: Руй Сильва, Дуарте, Херман Санчес, Фулке, Нева (Вальехо, 46), Монторо (Миля, 46), Эррера (Соро, 67), Этеки, Пуэртас, Мачис (Кенеди, 65), Сольдадо (Суарес, 46).
«Барселона»: тер Штеген, Альба, Мингеса, Дест (Фирпо, 81), Умтити, Бускетс, де Йонг (Пьянич, 65), Педри (Тринкау, 73), Дембеле (Пуч, 73), Гризманн, Месси (Брэйтуэйт, 65).
Огоҳлантиришлар: Сольдадо (45), Мингеса (49), Суарес (73), Бускетс (82), Альба (87).
Четлатиш: Вальехо (78).
«Севилья» — «Реал Сосьедад» 3:2
Голлар: 1:0 – 4 ан-Несири, 1:1 – 5, автогол Диего Карлос, 2:1 – 7 ан-Несири, 2:2 – 14 Исак, 3:2 – 46 ан-Несири.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)