Andijon shahrida yashovchi ota ikki nafar voyaga yetmagan farzandi uchun ular voyaga yetgunga qadar hisoblangan aliment pullarini 4 ming dollar qilib to‘lab berdi. Bu haqda “Daryo”ga MIBning viloyat boshqarmasi ma’lum qildi.
Qayd etilishicha, fuqarolik ishlari bo‘yicha Andijon tumanlararo sudining 2017-yildagi ijro hujjatiga asosan fuqaro A.A.dan undiruvchi D.Ya.ning ikki nafar voyaga yetmagan farzandi moddiy ta’minoti uchun oylik daromadining uchdan bir qismi miqdorida aliment undirish belgilangan. MIB shahar bo‘limi tomonidan ijro ishi yuritilgan bo‘lishiga qaramasdan, fuqaro aliment to‘lovlarini to‘lamay kelgan.
Bo‘lim xodimlarining tushuntirish ishlari natijasida qarzdor ota ikki nafar farzandining ta’minoti uchun ular voyaga yetgunga qadar hisoblangan aliment pullarini 4 ming dollar ko‘rinishida to‘lab bergan. Natijada ijro hujjati amalda to‘liq ijro qilinganligi munosabati bilan ijro ishi tamomlangan.
Izoh (0)