Kun retsepti: Juda tez tayyor bo‘ladigan mazali tovuq va sabzavotlar

Vitaminga boy mahsulotlardan tayyorlangan ushbu taom kechki ovqat uchun ajoyib tanlov bo‘lishi tabiiy.

Kerakli mahsulotlar:

• 400-500 gramm og‘irlikda butun tovuq – 2 dona;
• Pomidor – 200 gramm;
• Makkajo‘xori – 200 gramm;
• Qovoqcha – 50 gramm;
• Baqlajon – 50 gramm;
• Chili qalampiri – 30 gramm;
• Brokkoli – 70 gramm;
• Karam – 70 gramm;
• Limon – ½ dona;
• Mayda kartoshka – 100 gramm;
• Mandarin – 2-3 dona;
• Zaytun moyi – 150 ml;
• Sarimsoq – 20 gramm;
• Zira – 20 gramm;
• Ko‘kat, tuz, ziravorlar.

1. Sarimsoq va zira mayda to‘g‘ralib, zaytun moyi bilan aralashtirib olinadi.
2. Tovuq go‘shti yaxshilab yuvilib, zaytun yog‘i, tuz va ziravorlar sepiladi. 15 daqiqaga 180 daraja issiqlikdagi pechga qo‘yiladi.
3. Katta-katta bo‘laklangan sabzavotlar − pomidor, qovoqcha, makkajo‘xori, baqlajon, karam, kartoshkaga zaytun yog‘i hamda tuz, ziravorlar sepilib, grilda 7-8 daqiqa yoki pechda 10 daqiqa pishirib olinadi.
4. Tozalangan mandarin 20 soniyaga grilda qizdirib olinadi.
5. Pishirilgan sabzavotlar va tovuq go‘shti kattaroq idishga suziladi, taom mandarin va ko‘katlar bilan bezatiladi.
6. Dasturxonga tortishdan avval ustiga biroz yirik tuz va zaytun moyi quyiladi.