Vakillar palatasining sud ishlari bo‘yicha qo‘mitasi rahbari Jerri Nadler AQSh prezidenti Donald Trampga soddalashtirilgan tartibda impichment e’lon qilish taklifini bildirdi. Bu boradagi bayonot uning o‘z saytiga joylashtirilgan, deb xabar beradi “RBK”.
“Harakat qilish uchun vaqtimiz chegaralangan. Mamlakat uzoq va cho‘ziladigan jarayonni kutishga qodir emas va men impichment moddalarini vakillar palatasining to‘g‘ridan to‘g‘ri sessiyasida ovoz berish jarayonlari orqali chiqarishni qo‘llab-quvvatlayman”, — deydi Nadler.
Nadlerning so‘zlariga ko‘ra, 6-yanvar kuni Vashingtonda Kapitoliyga amalga oshirilgan hujumning o‘ziga yarasha oqibatlari bo‘ladi. “Va u Qo‘shma Shtatlar prezidentidan boshlanishi kerak”, — deydi u.
Shuningdek, Merilend shtati gubernatori Larri Xogan AQSh vitse-prezidenti Maykl Pensni mamlakat boshqaruvini o‘z qo‘liga olishga chaqirgan.
“Tramp iste’foga ketsa yoki chetlatilsa mamlakatga yaxshi bo‘ladi, vitse-prezident Pens esa hokimiyatni inauguratsiyagacha bo‘lgan keyingi 13 kun davomida tinch yo‘l bilan prezident Baydenga topshirilishini ta’minlaydi”, — deydi Xogan.
Kolumbiya okrugi prokurori vazifasini bajaruvchi Mayk Shervinning so‘zlariga ko‘ra, sud hokimiyati Vashingtondagi tartibsizlikka aloqador barchaning harakatini o‘rganadi.
The Washington Post’ning yozishicha, prokurordan hokimiyat Kapitoyliyda Trampni qo‘llab-quvvatlash uchun o‘tkazilgan mitingda yangragan bayonotni tekshirish-tekshirmasligini so‘ragan. “Ha, biz barcha harakatlarni ko‘rib chiqyapmiz [vaziyatga aloqador], nafaqat Kongress binosiga kirgan odamlarni, balki bunda qo‘shimcha yordam bergan yoki ko‘maklashgan boshqalarni ham. Ishtirok etganlarning har biri va barchasi uchun jinoiy javobgarlikni ko‘rib chiqamiz”, — deydi Shervin.
Mavzuga doir:
- Donald Tramp Facebook va Instagram’da prezidentlik muddati tugaguncha bloklandi
- AQSh sobiq prezidenti Karter Vashingtondagi noroziliklarni fojia deb atadi
- Trampni qo‘llab-quvvatlash uchun uyushtirilgan namoyish Kapitoliy shturmi bilan tugadi. To‘rt kishi halok bo‘ldi, yana bir nechasi tan jarohati oldi. Asosiy ma’lumotlar
Kongressmenlarning bir qismi Kapitoliydan evakuatsiya qilindi. Vashingtonda komendantlik soati e’lon qilinib, tartibni saqlash uchun AQSh poytaxtiga Milliy gvardiya kuchlari kiritildi. To‘qnashuvlarda to‘rt kishi halok bo‘lgani aytilmoqda.
Izoh (0)