Moderna 2021-yilda 1 mlrd dozagacha vaksina yetkazib berishga tayyorligini ma’lum qildi

Amerikaning Moderna farmatsevtika kompaniyasi bosh direktori Stefan Bansel kompaniya 2021-yilda bozorga 600 milliondan 1 milliard dozagacha koronavirusga qarshi vaksina yetkazib berishga tayyorlanayotganini aytdi. Bu haqda “Interfaks” ma’lum qildi.

Banselning qayd etishicha, Moderna allaqachon 500 million doza uchun buyurtma olgan va kamida 600 million dozani osonlikcha ishlab chiqarishi mumkin. Ammo u yana ko‘plab buyurtmalar bo‘lishini taxmin qilmoqda.

Bansel, shuningdek, ushbu vaksina koronavirusga qarshi immunitetni qancha vaqtgacha saqlab turishi hali ham aniq emasligini tasdiqladi.

Eslatib o‘tamiz, 6-yanvar kuni Yevropa Ittifoqida Moderna vaksinasidan foydalanish ma’qullandi.

Avvalroq Moderna o‘z vaksinasining samaradorligi 94 foiz ekanini ma’lum qilgani haqida xabar berilgandi.