Тошкент вилояти бош инфекционисти Гулжаҳон Йўлдошева ва бошқаларга нисбатан навбатдаги суд мажлиси 4 январь, душанба куни бўлиб ўтди. Гувоҳ ва мутахассисларнинг кўрсатмалари тингланди, деб ёзади «Kun.uz».
Ўнинчи суд мажлисида ишга гувоҳ ва мутахассис сифатида жалб этилган Мафтуна Ибрагимова, Абдумалик Абдураҳмонов, Валижон Холметов, Юсуф Исомов, Равшан Қорабоев, Комилжон Ғойибназаров ва Акбар Эшалиевнинг кўрсатмалари тингланган.
Қайд этилишича, суд мажлисида гувоҳларга давлат айбловчилари ва судланувчиларнинг адвокатлари саволлар билан мурожаат қилган.
Суд раиси мазкур суд мажлисида суд жараёнларини бевосита кузатиб бораётганлардан процессни ёритишда холисликка риоя этиши лозимлиги юзасидан огоҳлантирилган. Аммо раислик этувчи огоҳлантиришнинг аниқ шартлари ва суд жараёнини ёритишнинг чекланган тартиблари ҳақида кўрсатма бермаган.
Суд 2021 йил 7 январь соат 10:00 гача танаффус эълон қилган.
Мавзуга доир:
- Тошкент вилояти бош инфекционисти Гулжаҳон Йўлдошеванинг судида навбатдаги гувоҳлар кўрсатмалари тингланди. Суд 4 январгача танаффус эълон қилди
- Тошкент вилояти бош инфекционисти Гулжаҳон Йўлдошева судда беморнинг ўлимига алоқаси йўқлигини таъкидлади
- Гулжаҳон Йўлдошева иши: Диспансер бош шифокори марҳумни кўчиришда вилоят ССБдан топшириқ бўлганини айтди
Унинг қамоққа олиниши жамоатчилик ўртасида кенг муҳокамаларга сабаб бўлди. Бир қатор давлат ва нодавлат ташкилотларнинг раҳбарлари, хусусан, Сенат раиси Танзила Норбоева, Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси ўринбосари, гендер тенгликни таъминлаш масалалари бўйича комиссия аъзоси Саида Мирзиёева мазкур ҳодисага муносабат билдириб, прокуратурани шифокорга нисбатан қўлланилган эҳтиёт чорасини ўзгартиришга чақирган. Шундан сўнг Гулжаҳон Йўлдошева 6 октябрь куни уй қамоғига ўтказилганди.
Гулжаҳон Йўлдошева ва бошқаларга нисбатан суд жараёнлари 27 ноябрь куни бошланган.
Изоҳ (0)