LG kompaniyasi quvvatlantirish stansiyasiga ulanganida ichidagi chiqindilar avtomatik ravishda tozalanadigan simsiz changyutgichni taqdim etdi, deb xabar beradi Hi-Tech.Mail.ru.
LG’ning CordZeroThinQ A9 Kompressor Plus nomini olgan changyutgichi simsiz qurilmalar sinfiga kiradi — uning ichiga akkumulyator o‘rnatilgan bo‘lib, u rozetkaga ulanmagan holda ishlay oladi. Biroq asosiy jihati bu emas.
LG dunyoda birinchi bo‘lib changyutgich konteyneridagi chiqindilar avtomatik tozalanishini ta’minlovchi tizimni taqdim etdi — buning uchun quvvatlantirish uchun dok-stansiya o‘rnatish lozim. Albatta, vaqt o‘tishi bilan stansiyaning o‘zida to‘plangan chiqindilar qopini bo‘shatish kerak, biroq bu juda kamdan kam hollarda amalga oshirishni talab etadi.
Samsung ham o‘z changyutgichlari uchun shu kabi stansiyani sotadi, biroq buning uchun chiqindi konteynerini qo‘lda yechish va “podstavka” o‘rnatish kerak — 200 dollar nima sababdan to‘lash kerakligi tushunarsiz. LG’da esa barchasi mustaqil ishlaydi.
Yagona jihati, LG hozircha o‘zini o‘zi tozalashga qodir changyutgich va dok-stansiya narxini e’lon qilmagan. Mazkur yangilikka oid batafsil ma’lumotlar 11-yanvar kuni boshlanadigan CES 2021 ko‘rgazmasida ma’lum qilinadi.
Izoh (0)