Singapur Milliy universiteti (NUS) tadqiqotchilari insondan ajraladigan terni yutib elektron qurilmalar uchun elektr manbasiga aylantirishga qodir alohida plyonkani yaratdi, deb xabar beradi Hi-Tech.Mail.ru. Bunda ter sovutish uchun muhim, biroq u juda ko‘p bo‘lsa muammoga aylanadi.
Ter to‘g‘ri sovutishi uchun u parlanishi va issiqlikni “olib ketishi” kerak. Yangi plyonka esa ushbu jarayonni tezlashtirish uchun zarur. Olimlarning tasdiqlashicha, u mavjud materiallardan ko‘ra olti barobar tezroq ishlaydi va namlikni 15 barobar tezroq so‘radi.
Ixtiro asosan ikkita kimyoviy moddadan iborat: kobalt xlorid va etanolamindan, ular suvni yutishda samarali hisoblanadi. Plyonkadan, masalan, poyabzal uchun patak yoki qo‘ltiq tagligi sifatida foydalanish mumkin. U namlikni yutgan vaqtida rangini o‘zgartiradi, ko‘kdan boshlab qizil va pushtiga aylanadi — namlik darajasini aniqlashga qulay.
Yutilgan terdan to‘liq foydalanish uchun NUS jamoasi, shuningdek, energiyani to‘plovchi qurilma ham yaratgan bo‘lib, u plyonkadan elektrolit sifatida foydalanadigan sakkizta elektrokimyoviy bo‘lmachadan iborat. Har bir bo‘lmacha namlikni yutish hisobiga kichik miqdorda elektr energiyasini hosil qiladi. Qurilmada to‘planadigan umumiy energiya yorug‘lik diodni quvvatlantirish uchun yetarli.
Tajribalar davomida olimlar inson terisida “quvvatlanish”ga qodir batareyalarsiz qurilmalar uchun energiya manbasiga aylanadigan quvvatlantirish ko‘rsatkichini yaxshilash niyatida.
Avvalroq Singapurda soyalardan elektr energiyasini ishlab chiqaradigan qurilma yaratilgani to‘g‘risida xabar berilgandi.
Izoh (0)