Internetda Boston Dynamics’ning eski xit qo‘shiqqa raqsga tushayotgan to‘rtta roboti keng muhokamalarga sabab bo‘ldi, deb yozadi “Hi-Tech.Mail.ru”.
Boston Dynamics robotlarini ko‘pchilik turli yoqimsiz videolar orqali eslaydi — ularni tayoqlar bilan urishadi, tepishadi va biror ish qilishiga xalaqit berishadi. Albatta, bu orqali mutaxassislar barqarorlashtiruvchi tizim va boshqa algoritmlarni sinovdan o‘tkazadi.
Kompaniyaning navbatdagi videosida robotlar ustidan hech kim kulmagan — ular shunchaki “Do You Love Me?” qo‘shig‘iga raqsga tushmoqda. Rolikda bitta emas, birdaniga to‘rtta robot raqsga tushayotganini va harakatlarning aksar qismi sinxron ekanligini ko‘rish mumkin. Ular ayrim odamlarga qaraganda yaxshiroq raqsga tushgan.
Boston Dynamics kompaniyasi shu orqali barchani kirib kelayotgan Yangi yil bilan tabriklashga qaror qilgan.
Avvalroq Hyundai robotlar ishlab chiqaruvchi Boston Dynamics’ning asosiy egasiga aylangani to‘g‘risida xabar berilgandi.
Izoh (0)