Xiaomi’ning Weibo ijtimoiy tarmog‘idagi sahifasida Xiaomi Mi 11 kamerasi yordamida tasvirga olingan rolik paydo bo‘ldi, deb yozadi IXBT. Aslini olganda, kameralar bir nechta — video avvalida kvadrokopterga bir juft Mi 11 maxsus moslama yordamida qotirilganini ko‘rish mumkin.
Video juda jozibali va ranglarga boy chiqqan. “Kameralarning barqarorlashtirgichi ajoyibligi haqida gapirish mumkin edi, biroq smartfonlar kvadrakopterga qattiq qotirilmagan, shu sababli maxsus moslama vibratsiya holatlarini kamaytirgan”, — deyiladi xabarda.
Agarda smartfon kamerasiga olingan materialning ranglari tahrirlanmagan bo‘lsa, uning suratga olishdagi dinamik diapazoni ajoyib holatda ekanligidan dalolat beradi.
Shuningdek, Xiaomi o‘zining rasmiy akkauntiga Mi 11’ning 13 megapikselli keng burchakli kamerasi yordamida olingan bir nechta suratni joylashtirgan.
Avvalroq Xiaomi Mi 11’da tunda suratga olishni ta’minlovchi “aqlli” rejim paydo bo‘lgani to‘g‘risida xabar berilgandi.
Izoh (0)