Сингапур Миллий университети (NUS) тадқиқотчилари инсондан ажраладиган терни ютиб электрон қурилмалар учун электр манбасига айлантиришга қодир алоҳида плёнкани яратди, деб хабар беради Hi-Tech.Mail.ru. Бунда тер совутиш учун муҳим, бироқ у жуда кўп бўлса муаммога айланади.
Тер тўғри совутиши учун у парланиши ва иссиқликни «олиб кетиши» керак. Янги плёнка эса ушбу жараённи тезлаштириш учун зарур. Олимларнинг тасдиқлашича, у мавжуд материаллардан кўра олти баробар тезроқ ишлайди ва намликни 15 баробар тезроқ сўради.
Ихтиро асосан иккита кимёвий моддадан иборат: кобалт хлорид ва этаноламиндан, улар сувни ютишда самарали ҳисобланади. Плёнкадан, масалан, пойабзал учун патак ёки қўлтиқ таглиги сифатида фойдаланиш мумкин. У намликни ютган вақтида рангини ўзгартиради, кўкдан бошлаб қизил ва пуштига айланади — намлик даражасини аниқлашга қулай.
Ютилган тердан тўлиқ фойдаланиш учун NUS жамоаси, шунингдек, энергияни тўпловчи қурилма ҳам яратган бўлиб, у плёнкадан электролит сифатида фойдаланадиган саккизта электрокимёвий бўлмачадан иборат. Ҳар бир бўлмача намликни ютиш ҳисобига кичик миқдорда электр энергиясини ҳосил қилади. Қурилмада тўпланадиган умумий энергия ёруғлик диодни қувватлантириш учун етарли.
Тажрибалар давомида олимлар инсон терисида «қувватланиш»га қодир батареяларсиз қурилмалар учун энергия манбасига айланадиган қувватлантириш кўрсаткичини яхшилаш ниятида.
Аввалроқ Сингапурда соялардан электр энергиясини ишлаб чиқарадиган қурилма яратилгани тўғрисида хабар берилганди.
Изоҳ (0)