Korrupsiyaga qarshi kurashish Milliy kengashi tomonidan Korrupsiyaga qarshi kurashish xalqaro standartlarini qonunchilikka implementatsiya qilishni davom ettirish bo‘yicha yo‘l xaritasi tasdiqlandi. Bu haqda agentlik matbuot xizmati xabar berdi.
Yo‘l xaritasida tanlov (tender) shaklida o‘tkaziladigan davlat xaridlarida kontragentlar (shartnoma taraflari)ni tekshirish tartibi ishlab chiqish ko‘zda tutilgan. Shuningdek, amaldagi normativ-huquqiy hujjatlarda davlat xaridlarining strategik subyektlariga berilgan barcha imtiyozlar bekor qilinadi.
Bundan tashqari, quyidagi chora-tadbirlar ham nazarda tutilgan:- jinoyat kodeksiga mansabdor shaxs tomonidan noqonuniy tarzda boylik orttirganlik uchun jinoiy javobgarlik belgilash masalasini implementatsiya qilish bo‘yicha takliflar ishlab chiqish;
- korrupsiya bilan bog‘liq jinoyatlar haqida xabar bergan shaxslarni himoya qilishning tashkiliy-huquqiy mexanizmlarini takomillashtirish;
- korrupsiya holatlari to‘g‘risida anonim xabar yo‘llash va ularni ko‘rib chiqish bo‘yicha normativ-huquqiy hujjat loyihasini ishlab chiqish.
Mavzuga doir:
- O‘zbekistonda korrupsiyaga qarshi kurashishga munosib hissa qo‘shgan shaxslar davlat mukofotiga tavsiya etilishi mumkin
- O‘zbekistonda korrupsiya holati haqida xabar bergan shaxslar to‘g‘risidagi ma’lumotlar davlat sirini tashkil etishi belgilab qo‘yiladi
- “Korrupsiyaga toqatsizlik hayotimiz bir qismiga aylanishi kerak” — Shavkat Mirziyoyev
Izoh (0)