Коррупцияга қарши курашиш Миллий кенгаши томонидан Коррупцияга қарши курашиш халқаро стандартларини қонунчиликка имплементация қилишни давом эттириш бўйича йўл харитаси тасдиқланди. Бу ҳақда агентлик матбуот хизмати хабар берди.
Йўл харитасида танлов (тендер) шаклида ўтказиладиган давлат харидларида контрагентлар (шартнома тарафлари)ни текшириш тартиби ишлаб чиқиш кўзда тутилган. Шунингдек, амалдаги норматив-ҳуқуқий ҳужжатларда давлат харидларининг стратегик субъектларига берилган барча имтиёзлар бекор қилинади.
Бундан ташқари, қуйидаги чора-тадбирлар ҳам назарда тутилган:- жиноят кодексига мансабдор шахс томонидан ноқонуний тарзда бойлик орттирганлик учун жиноий жавобгарлик белгилаш масаласини имплементация қилиш бўйича таклифлар ишлаб чиқиш;
- коррупция билан боғлиқ жиноятлар ҳақида хабар берган шахсларни ҳимоя қилишнинг ташкилий-ҳуқуқий механизмларини такомиллаштириш;
- коррупция ҳолатлари тўғрисида аноним хабар йўллаш ва уларни кўриб чиқиш бўйича норматив-ҳуқуқий ҳужжат лойиҳасини ишлаб чиқиш.
Мавзуга доир:
- Ўзбекистонда коррупцияга қарши курашишга муносиб ҳисса қўшган шахслар давлат мукофотига тавсия этилиши мумкин
- Ўзбекистонда коррупция ҳолати ҳақида хабар берган шахслар тўғрисидаги маълумотлар давлат сирини ташкил этиши белгилаб қўйилади
- «Коррупцияга тоқатсизлик ҳаётимиз бир қисмига айланиши керак» — Шавкат Мирзиёев
Изоҳ (0)