Shveysariyaning Henley&Partners kompaniyasi pasportlar reytingini e’lon qildi.
Kompaniya qayd etilishicha, O‘zbekiston ro‘yxatda 86-o‘rinni egallagan. Mamlakat fuqarolari viza rasmiylashtirmasdan 57 ta mamlakatga chiqishi mumkin. O‘zbekiston 2020-yilning iyul oyida e’lon qilingan reytingda 86-o‘rinni, yanvar oyidagi reytingda esa 85-o‘rinni egallagandi.
Birinchi o‘rinni Yaponiya egalladi. Yaponiyaliklar 191 ta mamlakatga vizasiz tashrif buyurishi mumkin. Ikkinchi pog‘onadan Singapur (190 davlat), undan keyin Germaniya va Janubiy Koreya (har biri 189 davlatdan) joy oldi.
KXDR (39 ta davlat ochiq), Liviya, Nepal (38), Falastin (37), Somali, Yaman (33), Pokiston (32), Suriya (29), Iroq (28) va Afg‘oniston (26) fuqarolarining pasportlari reytingning eng quyi qatorlaridan joy olgan.
Ma’lumot uchun, Henley reytingi harakat erkinligi indekslari asosida tuziladi. Bu ko‘rsatkich har bir davlat fuqarolarining qancha davlatga vizasiz yoki viza olish soddalashtirilgan tartibda borishi mumkinligini ifodalaydi.
Izoh (0)