«Formula-1» аъзолари дунёдаги энг яхши пойгачилар ҳисобланади. Улар деярли исталган пойга автомобили рулига ўтириб, ҳақиқий мастер-классни кўрсатиб беришга қодир. Ҳатто ёпиқ картинг каби кўнгилочар пойгаларда ҳам, деб ёзади CARakoom. Бунга нашр Ferrari жамоаси пойгачиси Карлос Сайнснинг бир неча айланада сўнгги ўриндан биринчи поғонага кўтарилгани тасвирланган видеони мисол қилиб келтирган.
Бошқа пойгачилар Сайнсни тенг бўлмаган кучлар сабабли энг охирида старт олишга ундаган бўлиши мумкин, бироқ видеода кўриниб турганидек, бу ҳеч қандай аҳамият касб этмаган. Бир неча айланани босиб ўтган Сайнс 16 та рақибнинг аксариятини ортда қолдирган. Бироқ енгил қувиб ўтишлардан сўнг у тўртинчи, шундан сўнг биринчи ўринга кўтарилиш учун анча «тер тўккан».
«Бу унинг Ferrari жамоаси таркибида амалга оширадиган кейинги йилги чиқиши учун яхши амалиёт, чунки пойгачилар баъзида пелотоннинг энг охирида старт олади», — дейилади хабарда.
Изоҳ (0)