АҚШнинг амалдаги президенти Дональд Трамп Демократлар партиясидан бўлган рақиби Жо Байдендан ортда қолган саккизта штатда ғалаба қозонишга умид қилмоқда. Бу ҳақда Трамп Жоржия штатида мандатларига демократлар даъво қилаётган республикачи сенаторлар Дэвид Пердью ва Келли Леффернинг қайта сайланишини қўллаб-қувватлаш мақсадида амалга оширган чиқишида маълум қилди, деб хабар беради «РБК».
«Улар (демократлар — таҳр.) шундай деяпти: У Жоржия борасида шикоят қилмоқда. Йўқ, йўқ. Мен саккизта штат бўйича шикоят қиляпман ва, ўйлашимча, мен уларнинг барчасида ғалаба қозонаман», — дейди Трамп.
Ўз навбатида Жоржияда йиғилганлар қаршисида чиқиш қилган Жо Байден Трамп мамлакат раҳбари сифатида ўз мажбуриятларини бажаришни хоҳламаётганини маълум қилган.
Аввалроқ The Washington Post Трамп Жоржия штати давлат котибига босим ўтказаётгани ёзилган суҳбат аудиосини эълон қилган эди. Трамп суҳбат давомида Раффенспергерни уришган, «хушомад» қилган, ҳаракат қилишини «ўтиниб сўраган» ва ҳатто жиноий таъқиб қилиш билан мужмал таҳдид қилган.
Мавзуга доир: Суд конгрессменнинг АҚШдаги президентлик сайловлари натижасини қайта кўриб чиқиш борасидаги даъвосини рад этди
Изоҳ (0)