Toshkent viloyatida hujjatlarsiz ov qurollari aniqlandi, deya “Daryo”ga xabar bermoqda YHXBB.
Qayd etilishicha, 2021-yil 4-yanvar kuni Bo‘stonliq tumani hududida xizmatga jalb etilgan viloyat IIBB YHXB maxsus otryadi katta inspektori, kapitan F.Ergashev kech soat 02:00 larda Chorbog‘–Sijjak yo‘nalishida harakatlanib kelayotgan Nexia-3 rusumli, davlat raqam belgisi 40 F 011 SA bo‘lgan transport vositasini tekshirish uchun to‘xtatdi.
Haydovchining hujjatlarini tekshirgan YPX inspektori undan yuk xonani ochishni so‘raydi. U yerda uch dona ov quroli va o‘qlar borligi, qurollardan faqat bittasi uchun hujjat borligi qolgan ikkita ov qurollarini saqlash va olib yurish uchun tegishli hujjatlar yo‘qligi aniqlandi.
YPX inspektori holat yuzasidan tegishli hujjatlarni rasmiylashtirib, olingan ashyoviy dalillar bilan birga tuman ichki ishlar bo‘limiga topshirdi.
Hozirda ushbu holat yuzasidan surishtiruv ishlari olib borilmoqda.
Avvalroq Xorazmda noqonuniy ov qilgan hokim o‘rinbosari va IIB xodimi ushlangani, Buxoroda jayron ovlagan qashqadaryolik fuqaroga sud hukmi o‘qilgani hamda Buxoroda yarim tunda ovga chiqqan brakonyerlar qo‘lga olingani haqida xabar berilgandi.
Izoh (0)