Тошкент вилоятида ҳужжатларсиз ов қуроллари аниқланди, дея «Дарё»га хабар бермоқда ЙҲХББ.
Қайд этилишича, 2021 йил 4 январь куни Бўстонлиқ тумани ҳудудида хизматга жалб этилган вилоят ИИББ ЙҲХБ махсус отряди катта инспектори, капитан Ф.Эргашев кеч соат 02:00 ларда Чорбоғ–Сижжак йўналишида ҳаракатланиб келаётган Nexia-3 русумли, давлат рақам белгиси 40 F 011 SА бўлган транспорт воситасини текшириш учун тўхтатди.
Ҳайдовчининг ҳужжатларини текширган ЙПХ инспектори ундан юк хонани очишни сўрайди. У ерда уч дона ов қуроли ва ўқлар борлиги, қуроллардан фақат биттаси учун ҳужжат борлиги қолган иккита ов қуролларини сақлаш ва олиб юриш учун тегишли ҳужжатлар йўқлиги аниқланди.
ЙПХ инспектори ҳолат юзасидан тегишли ҳужжатларни расмийлаштириб, олинган ашёвий далиллар билан бирга туман ички ишлар бўлимига топширди.
Ҳозирда ушбу ҳолат юзасидан суриштирув ишлари олиб борилмоқда.
Аввалроқ Хоразмда ноқонуний ов қилган ҳоким ўринбосари ва ИИБ ходими ушлангани, Бухорода жайрон овлаган қашқадарёлик фуқарога суд ҳукми ўқилгани ҳамда Бухорода ярим тунда овга чиққан браконьерлар қўлга олингани ҳақида хабар берилганди.
Изоҳ (0)