Namanganda Lacetti’ni ishonch qog‘ozi bilan boshqarib borayotgan 25 yoshli yigit YTHga uchrab vafot etdi. Bu haqda viloyat IIB matbuot xizmati xabar berdi.
Voqea 1-yanvar kuni soat 15:45 larda, Toshkent—O‘sh yo‘lining 258 kilometrida, Pop tumani “Qo‘shminor” MFY hududida yuz bergan. Farg‘ona viloyati Qo‘qon shahrida yashagan 1995-yilda tug‘ilgan fuqaro Lacetti avtomashinasini haydab ketayotib, harakat xavfsizligini ta’minlay olmay, yo‘lning o‘ng chetiga chiqib ketib, to‘siqqa borib urilgan va boshqaruvni yo‘qotib, pastlikka tushib ketgan.
Oqibatda avtomashina haydovchisi qo‘shma shikast, bosh miya og‘ir ochiq shikasti tashxisi bilan shifoxonaga yotqizilgan. Biroq ko‘rsatilgan tibbiy muolajaga qaramay, 2-yanvar kuni shifoxonada vafot etgan.
Ushbu holat bo‘yicha Pop tuman IIB huzuridagi TB tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilgan.
Izoh (0)