AQShda koronavirusga chalinganlar soni 20 million kishidan oshdi. Bu haqda virus tarqalishini real vaqtda kuzatib kelayotgan Jon Hopkins universiteti ma’lumotlarida keltirilgan.
Kasallanish holatlari eng ko‘p Kaliforniya (2,3 million), Texas (1,77 million), Florida (1,32 million), Nyu-York (979 ming) va Illinoys (963 ming) shtatlarida qayd etilgan.
Shu bilan birga, uchta shtatda — Kaliforniya, Kolorado va Floridada koronavirusning ancha xavfli deya ta’riflanayotgan “britancha” shtammi aniqlangan.
Mamlakatda pandemiya boshlanganidan buyon COVID-19 oqibatida vafot etgan bemorlar soni 346 ming kishiga yaqinlashib qoldi.
Eslatib o‘tamiz, AQShda 14-dekabr kuni koronavirusga qarshi emlash boshlandi. Birinchi navbatda kasallanganlar bilan ishlayotgan tibbiyot xodimlari emlanmoqda. Kasalliklar nazorati va profilaktikasi markazlari (CDC) ma’lumotlariga ko‘ra, 2020-yil oxirigacha Amerika hukumati 40 million kishini emlashni rejalashtirmoqda.
Izoh (0)