Амалдаги эмлаш тезлиги билан АҚШдаги оммавий вакцинация 10 йилдан сўнг якунланади. Бу ҳақда 30 декабрь, чоршанба куни NBC News хабар қилди.
«NBC News томонидан АҚШ маъмуриятининг COVID-19 вакцинаси дастурининг ҳозирги суръати асосида олиб борилган таҳлил шуни кўрсатдики, америкаликларни эмлаш ва пандемияни назорат остига олиш учун деярли 10 йил вақт кетади», — дейилади хабарда.
Мамлакатдаги журналистлар пандемия билан курашиш учун ўн йил давом этадиган Incredible Speed деб номланган эмлаш операциясини танқид қилмоқда. Таъкидланишича, Incredible Speed операцияси июнь ойига қадар 330,7 миллион АҚШ аҳолисининг 80 фоизини коронавирусга қарши эмлашга мўлжалланган.
«Ушбу мақсадга эришиш учун ҳар куни 3 миллиондан сал кўпроқ одамни эмлаш керак. Бироқ сўнгги икки ҳафта ичида 11,5 миллион дозада атиги 2 миллионга яқин одам эмланади», — дейилади хабарда.
Ҳозирга қадар эмланганларнинг аксарияти қариялар уйида яшовчилар ва у ернинг ходимлари.
АҚШнинг сайланган президенти Жо Байден эмлаш ишларини тезлаштириш учун ҳарбий ҳолатдан фойдаланишини айтди.
Эслатиб ўтамиз, АҚШда 14 декабрь куни коронавирусга қарши эмлаш бошланди. Касалликлар назорати ва профилактикаси марказлари (CDC) маълумотларига кўра, 2020 йил охиригача Америка ҳукумати 40 миллион кишини эмлашни режалаштирмоқда.
Аввалроқ АҚШда COVID-19’га қарши вакцина олишдаги фирибгарликлар бўйича текширув бошлангани ҳақида хабар берилганди.
Изоҳ (0)