100 yoshdan oshgan qashqadaryolik momo “Shuhrat” medaliga munosib ko‘rildi

Qashqadaryoda 110 yoshli momo “Shuhrat” medali sohibi bo‘ldi. Bu haqda viloyat hokimligi axborot xizmati xabar berdi.

Ta’kidlanishicha, 30-dekabr kuni Mustaqillik bayrami arafasida “Shuhrat” medali bilan taqdirlangan kasbilik 110 yoshli Dilorom momo Yo‘ldoshevaga medalni topshirish marosimi bo‘lib o‘tgan.

Viloyat hokimi Zoir Mirzayev ishtirokidagi tadbirda momoga davlat mukofoti bilan birgalikda, viloyat hokimligi sovg‘asi ham topshirilgan.

Kasbi tuman hokimligi axborot xizmatining aniqlik kiritishicha, momoga atalgan sovg‘alar — yashash xonadoni uchun gilam, yumshoq va yotoq mebeli, oziq-ovqat, un va guruch mahsulotlaridan iborat bayram sovg‘asini tuman sektor rahbarlari topshirgan.

Qashqadaryo viloyat mahalla va oilani qo‘llab-quvvatlash boshqarmasi axborot xizmati rahbari Xurshida Uzoqovaning qo‘shimcha ma’lumot berishicha, viloyatda ayni kunda 100 yoshdan oshgan keksalar 127 nafar nafarni tashkil qiladi.