Ovoz yordamida boshqariladigan muzlatkichlar haqiqatga aylanib ulgurgan, biroq LG ularni o‘ziga xos tarzda qulay qilib yaratmoqda, deb xabar beradi IXBT.
Janubiy Koreya giganti o‘z eshigini ovozli buyruqlar asosida ocha oladigan InstaView 2021 muzlatkichlar lineykasini taqdim etdi. Bu foydalanuvchilar qo‘li band bo‘lganida yoki qandaydir sabab bilan eshik tutqichini ushlay olmaganida foyda beradi.
Ta’kidlanishicha, ovozli buyruqlar ro‘yxati eshikni ochish buyrug‘i bilan cheklanib qolmagan. Foydalanuvchi muzlatkich bilan “gaplasha oladi”: muz yoki sovuq suv bor yoki yo‘qligini tekshirishdan tortib, Amazon Dash servisi yordamida oziq-ovqat zaxiralarini to‘ldirish yoki kun tartibi haqida. Shuningdek, yangi modellarga ultrabinafsha nurlar yordamida dizinfeksiya qilish funksiyasi qo‘shilgan.
Mazkur muzlatkichlar savdosi qachon boshlanishi va narxi qancha bo‘lishi to‘g‘risida hozircha ma’lumotlar yo‘q.
Avvalroq Microsoft kompaniyasi Xbox Series X uslubida yaratilgan muzlatkichni taqdim etgandi.
Mavzuga doir: Video: Muzlatkich orqali o‘ynalayotgan Doom Eternal
Izoh (0)