Овоз ёрдамида бошқариладиган музлаткичлар ҳақиқатга айланиб улгурган, бироқ LG уларни ўзига хос тарзда қулай қилиб яратмоқда, деб хабар беради IXBT.
Жанубий Корея гиганти ўз эшигини овозли буйруқлар асосида оча оладиган InstaView 2021 музлаткичлар линейкасини тақдим этди. Бу фойдаланувчилар қўли банд бўлганида ёки қандайдир сабаб билан эшик тутқичини ушлай олмаганида фойда беради.
Таъкидланишича, овозли буйруқлар рўйхати эшикни очиш буйруғи билан чекланиб қолмаган. Фойдаланувчи музлаткич билан «гаплаша олади»: муз ёки совуқ сув бор ёки йўқлигини текширишдан тортиб, Amazon Dash сервиси ёрдамида озиқ-овқат захираларини тўлдириш ёки кун тартиби ҳақида. Шунингдек, янги моделларга ультрабинафша нурлар ёрдамида дизинфекция қилиш функцияси қўшилган.
Мазкур музлаткичлар савдоси қачон бошланиши ва нархи қанча бўлиши тўғрисида ҳозирча маълумотлар йўқ.
Аввалроқ Microsoft компанияси Xbox Series Х услубида яратилган музлаткични тақдим этганди.
Мавзуга доир: Видео: Музлаткич орқали ўйналаётган Doom Eternal
Изоҳ (0)