“Chelsi” Premyer Liga 16-turi doirasida 28-dekabr kuni “Aston Villa”ga qarshi kechgan bahsda 1:1 hisobida durang o‘ynadi.
Frenk Lempard jamoasi chempionatning 16 turida 26 ochko to‘pladi. Londonlik klubi 2003-yilda Roman Abramovich tasarrufiga o‘tganidan keyin bundan yomon start faqat bir marta qayd etilgan.
2015/16-yilgi mavsumda Joze Mourinyo qo‘l ostidagi “Chelsi” 16 turdan keyin 15 ochko to‘plagandi. Aynan o‘sha 16-turdan keyin portugaliyalik mutaxassis iste’foga chiqarilgandi.
“Ko‘klar” Premyer Liga doirasidagi so‘nggi olti o‘yinning faqat bittasida g‘alaba qozondi. Keyingi tur bahsi “Manchester Siti”ga qarshi bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)